Drëtt Editioun vun den Harmonympësche Spiller

15. Juli 2018 an der Schoul 2000 zu Zolwer

Sonndes, de 15. Juli 2018 huet d’Zolwer Musek déi grouss Éier, Iech op déi drëtt Editioun vun den « Harmonympësche Spiller » bei der Schoul 2000 zu Zolwer ze invitéieren.

Heibäi handelt et sech ëm e besonneschen Dag, bei dem 6 Jugendmuseken, notamment d’Jugendmuseke vu Bieles, Bouneweg, Ierpeldeng, Lëntgen, Schieren, Diddeleng an 1 Jugend Chouer vun Zolwer, bei spannende Spiller vun all Zort géinteneen untriede wäerten, mee dotëscht och nach Concert musse spillen.

Vun deene jonke Musikante gëtt net nëmme Kierperleches ofverlaangt, mee och den Denksport soll net ze kuerz kommen.

D’Jugendkommissioun vun der Zolwer Musek huet sech hei déi aussergewéinlechst Saachen afale gelooss, sou datt d’Publikum definitiv op seng Käschte wäert kommen.

Fir Iessen a Gedrénks ass och selbstverständlech beschtens gesuergt. Kommt also laanscht de 15. Juli ab 11.00 Auer a verbréngt ee Mëtteg voller Spill, Spaass, Spannung a Musek, dee géint 18.30 Auer mat der Präisverdeelung ofschléisse wäert