Harmonympësch Spiller

Harmonympësch Spiller - Ronn IV 14.07.2019

Harmonympësch Spiller - Ronn IV si faerdeg🤞🏻

1. Plaz geet un Käerjenger Jongbléiser
2. Plaz geet un MiFa-Bléiser Hunchereng
3. Plaz geet un Käler Schülerband
4. Plaz geet un de Jugendorchester vun der Escher Stadmusek

E grousse Merci an all Museken dei matgemaach hunn.

Merci och der Harmonie de Soleuvre an hiren Helferleins, der Gemeng fir Infrastructure an hir grouss Hëllef, dem leiwen Moderator Steve Gierenz, der JUKO vun der Zolwer Musek an all déi dozou gefouert hunn fir dee flotten Dag😊

Sonndes, de 14. Juli 2019 huet d’Zolwer Musek déi grouss Éier, Iech op déi véiert Editioun vun den « Harmonympësche Spiller » bei der Schoul 2000 zu Zolwer ze invitéieren.

Heibäi handelt et sech ëm e besonneschen Dag, bei dem 4 Jugendmuseken, notamment d’Jugendmuseke vu Käerjeng, Escher Stadmusék, Kayl an Beetebuerger zesummen mat Hunchereng, bei spannende Spiller vun all Zort géinteneen untriede wäerten, mee dotëscht och nach Concert musse spillen.

Vun deene jonke Musikante gëtt net nëmme Kierperleches ofverlaangt, mee och den Denksport soll net ze kuerz kommen.

D’Jugendkommissioun vun der Zolwer Musek huet sech hei déi aussergewéinlechst Saachen afale gelooss, sou datt d’Publikum definitiv op seng Käschte wäert kommen.

Fir Iessen a Gedrénks ass och selbstverständlech beschtens gesuergt.

Kommt also laanscht de 14. Juli ab 11.00 Auer a verbréngt ee Mëtteg voller Spill, Spaass, Spannung a Musek, dee géint 18.00 Auer mat der Präisverdeelung ofschléisse wäert.

Ween dat alles verpasst, ass selwer Schold! :-)

Eis desjäreg Gladiatoren

Harmoniechen Beetebuerg an MiFA Bléiser Hunchereng

Harmonie Esch Jugendorchester

Käler Schülerband

Käerjenger Jonbléiser