Appel à Candidatures

Wann s du passionéiert bass vun der Jugendaarbecht an s du Loscht hues déi nächst Generatioun vun Zolwer Musekanten mat opzebauen, da bass du bei eis genee richteg!

Eis Jugendmusek besteet aus ca. 16 Kanner a Jugendlechen an eis Prouwe fannen am Prinzip um Freiden Owend statt.

Postebeschreiwung

Missiounen

• All Freiden Owend eng Prouf halen (de Wochendag, respektiv de geneeën Horaire kënnen awer diskutéiert ginn)
• E flotte Repertoire u Stécker eraussichen déi dem Alter vun de Musikanten an dem Niveau vum Spillen entspriechen
• 3-4 Mol d’Joer e Concert plangen an dirigéieren
• All 2 Joer mat den 3 anere Jugendmuseken aus der Gemeng Suessem mat op e Stage goen an e gemeinsame Concert virbereeden
• 3-4 Mol d’Joer un de Reunioune vun der Jugendkommissioun deelhuelen
• 2-3 Mol d’Joer sech un extramusikaleschen Aktivitéite bedeelege fir d’Cohesioun tëscht de Musikanten ze fërderen
• Verschidden administrativ Tâchen iwwerhuelen
• D’Kommunikatioun tëscht de Musikanten, den Elteren an dem Comité vun der Musek assuréieren
• Austausch an Zesummenaarbecht mam Dirigent vun der Zolwer Musek
• D’Musikanten an hirer musikalescher Entwécklung ënnerstëtzen
• D’Musikante fir d’Musek an d’Veräinsliewe motivéieren

Profil

• Eng Erfarung an der Direktioun wier wënschenswäert, ass awer net indispensabel
• Eng Erfarung an der Jugendaarbecht, respektiv der Kannerpedagogie, wier wënschenswäert, ass awer net indispensabel
• Freed un der Aarbecht mat Kanner a Jonken
• Gutt Kommunikatiounskompetenz
• Gutt Organisatiounskompetenz
• Zouverlässegkeet